|
шайтон мўминларнинг очиқ душмани эканини баён қилди. Бу гапда Пайғамбар с.а.в.га нозил қилинган ҳамма нарсага имон келтиришни ва ундан бошқа барча куфр динларини тарк этишни таъкидлаш бор.
يَا أَيُّهَا الَّذِينَ آمَنُواْ
(эй мўминлар). Бу ерда куфрни тарк этиб, Исломни қабул қилганларга хитоб қилиняпти.
ادْخُلُواْ فِي السِّلْمِ كَآفَّةً
(тўла ҳолдаги исломга кирингиз!). Яъни, Исломга бутунлай, тўлалигича киринглар.
(السِّلْمِ ) сўзи бу ерда Ислом маъносида. Ибн Аббос р.а. уни шундай тафсир қилган. Исломнинг ҳаммасидан мақсад ҳеч бир истисносиз унинг ҳаммасига имон келтириш ва ҳамма шариатига амал қилишдир. Ундан бошқасини тарк этишдир.
(كَآفَّةً ) сўзи Исломнинг ҳаммаси маъносини англатувчи (السلم ) сўзидан ҳол бўлиб келяпти. Бу сўз аслида исми фоил бўлиб, қайтариш, тийиш маъноларини англатади. Бу нарса ўз қисмларини тарқалиб кетишдан қайтариб туради, деган иборада ҳам шу сўз ишлатилади. Гўё сиз нарсанинг ҳаммаси ёки бутунича дейиш билан бу сўзни сабабиятга кўра мажозий маънода қўллаяпсиз. Кейин унга то қўшилган ва шу билан у фоилликдан чиқиб, ҳаммаси, бутунича каби маъноларни англатувчи (كافّة ) сўзига айланган.
Ибн Аббос р.а. айтади: Бу оят Абдуллоҳ ибн Салом ва унинг шериклари ҳақида нозил бўлган. Улар Пайғамбар с.а.в.га имон келтирган пайтларида у киши олиб келган шариатларга ҳам имон келтирганлар ва Мусо р.а.нинг шариатидан ҳам айрим нарсаларни олиб қолганлар. Масалан, мусулмон бўлганларидан кейин ҳам шанба кунини улуғлашган, туяларнинг гўштини ва сутини макруҳ кўришган. Мусулмонлар уларнинг бу ишларини инкор қилишиб, бу бораларда биз кучлироқмиз (яъни, бизнинг қилаётган ишларимиз тўғрироқ), дейишган. Бу гапни Пайғамбар с.а.в.га айтишиб, у кишидан ўзларининг ҳам ўтган шариатларидан айримларига амал қилинишини талаб қилишган. Шунда Аллоҳ Таоло мана шу оятни нозил қилган.
Яъни, Исломга кирган одам тўла кирсин. Исломдан бошқа шариатдан, олдинги динидан ҳеч нарсани олиб қолмасин. Ислом ўзидан олдинги динларни насх қилиб келган.
مُصَدِّقاً لِّمَا بَيْنَ يَدَيْهِ مِنَ الْكِتَابِ وَمُهَيْمِناً عَلَيْهِ
– „ўзидан олдинги китоб(ларни) тасдиқлагувчи ва у (китоблар) устида гувоҳ бўлган“. [5:48]
175-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208